د کراچیو او معیوبینو د چوکیو ویشل

د کراچیو او معیوبینو د چوکیو ویشل !
د سمک خیریه ټولنه د زیږیدو له لومړي پیل څخه د یتیمانو، بې وزله هیواد والو او معیوبینو په برخه کې خپل پلانونه همداسی تشریح کړي وه چې د یادو کسانو سره تر ټولو غوره مرسته دوی ته د یوه کوچني کاروبار لاره جوړول دي، خو د داسی کارونو لپاره اوږد مهاله پلان، مالي امکانات او څارنه هغه اړین ټکي دي چې داسي پلانونه د بریا تر منزله رسوي. نن دوه نۍ ۱۵/۶/۲۰۲۰ الحمدلله مونږ هم د خپلو هیوادوالو او مسلمانانو په مرسته د خپل فعالیت د لومړی کال په تیریدو سره په دې وتوانیدو چې دی پلان ته د عمل جامه ور واغوندو !
د دي سپیڅلي کار شعار دې :
( راځئ!
په ګډه لاسنیوی وکړو! )
نن د التقوی مسجد د غړو، مقتدیانو او ویانا میشته هیواد والو د فدیه، ذکات، صدقه او خیرات په پیسو د دي پروګرام په لومړې برخه کې پنځه کسه یتیمانو او اړمنو ته کراچی سره له یوه اندازه خوراکي توکو د پانګي په موخه او پنځه کسه معیوبینو ته د معیوبینو چوکي وویشل شوي.
الله رب العزت دی ستاسي ټولو فدیه، صدقه، خیرات او ذکاتونه په خپل دربار کې قبول کړي.
ستاسي ټولو د ملاتړ په هیله
د سَمک خیریه ټولنه