کــرونا ویروس

سمک خیریه ټولنۍ په ( ۱۲/۳/۲۰۲۰)  نیټه باندی د اطریش هیواد ویانا ښار په دولسمه ناحیه کې چیرته چې د ټولنۍ پته ده یوه خیریه پروژه پیل کړه.
د دی پروژی موخه د هغه ناروغانو او ډیر عمر لرونکو کسانو سره مرسته ده چې د کــرونا ویروس څخه ډیر اغیزمن کیږي،  مونږ دوي ته وړاندیز کړې تر څو د ورځني اړتیاوو له کبله له خپلو کورونو څخه بهر رانشي .
دوي به د خپلو اړتیا توکو لیست مونږ ته لیکي یا به یې د اس ام اس په مټ رالیږي،  مونږ به خوراکي یا نور د اړتیا توکي له دوکانونو ورته اخلو او کورته به یې ور وړو او د توکو د بیل مطابق به مونږ ته یوازی د توکو بیه راکوي،  ځکه دا پروژه یوازی د انساني کرامت له کبله کاملا مجاني د کــرونا ویروس د ستونزی تر کنترول پوری په مخ وړل کیږي.
یاده دی وي چې زمونږ په کمپلیکس کې ۱۲ دروازي شتون لري چې ټول ټال تقریبآ ۷۲۰ کوره په کې ژوند کوي.